ರಾಷ್ಟ್ರೀಯ

ವಿದ್ಯುತ್ ಕಳ್ಳತನ ಮಾಡಿ ಜೈಲು ಪಾಲಾದ 100ರ ಅಜ್ಜಿ

Pinterest LinkedIn Tumblr

ಅಹಮದಾಬಾದ್: ವಿದ್ಯುತ್ ಕದ್ದ ಆರೋಪದ ಮೇಲೆ 100 ವರ್ಷದ ವೃದ್ಧೆಯೊಬ್ಬರು ಜೈಲುಪಾಲಾದ ಘಟನೆ ಗುಜರಾತಿನಲ್ಲಿ ವರದಿಯಾಗಿದೆ.

ವಸಿಮಾಬಿಬಿ ನಿಜಾಮುದ್ದೀನ್ ಅನ್ಸಾರಿ ವಿರುದ್ಧ ಜಿಇಬಿ ಪೊಲೀಸ್ ಠಾಣೆಯಲ್ಲಿ 2014ರಲ್ಲಿ ದೂರು ದಾಖಲಾಗಿತ್ತು. ಕೋರ್ಟ್ ಆಕೆಗೆ ಷರತ್ತು ಬದ್ಧ ಶಾಶ್ವತ ಜಾಮೀನು ನೀಡಿತ್ತು.

ಆದರೆ ಆಕೆ ಒಮ್ಮೆ ಕೂಡ ಕೋರ್ಟ್ ವಿಚಾರಣೆಗೆ ಬರದೆ ಜಾಮೀನಿನ ಶರತ್ತನ್ನು ಉಲ್ಲಂಘಿಸಿದ್ದರಿಂದ ಕೋರ್ಟ್ ಅರೆಸ್ಟ್ ವಾರಂಟ್ ಹೊರಡಿಸಿತ್ತು. ಅದರಂತೆ ಆಕೆಯನ್ನು ಬಂಧಿಸಿದ ಪೊಲೀಸರು ನ್ಯಾಯಾಲಯಕ್ಕೆ ಹಾಜರು ಪಡಿಸಿದ್ದರು. ನ್ಯಾಯಾಧೀಶರ ಆದೇಶದಂತೆ 5 ದಿನಗಳ ಕಾಲ ಜೈಲಲ್ಲಿದ್ದ ಆಕೆ ಮತ್ತೆ ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದಾರೆ.

ತನಗೆ ಬಹಳ ವಯಸ್ಸಾಗಿದ್ದು ಹಾಸಿಗೆ ಹಿಡಿದಿದ್ದೇನೆ. ಹೀಗಾಗಿ ಜಾಮೀನು ನೀಡಿ ಎಂದಾಕೆ ಅರ್ಜಿ ಸಲ್ಲಿಸಿದ್ದಳು. ಅದನ್ನೊಪ್ಪಿದ್ದ ಕೋರ್ಟ್ ಜಾಮೀನನ್ನೇನೋ ನೀಡಿತು. ಆದರೆ ಹಿಂದೆ ನೀಡಿದ್ದ ಜಾಮೀನಿಗೆ ವಿಧಿಸಿದ್ದ ಷರತ್ತಿನಂತೆ ಆಕೆ ವಿಚಾರಣೆಗೆ ಹಾಜರಾಗದಿದ್ದುದು ಸ್ವೀಕಾರಾರ್ಹವಲ್ಲ ಎಂದ ಕೋರ್ಟ್ 5 ದಿನಗಳ ಜೈಲು ಶಿಕ್ಷೆ ನೀಡಿತು.

Comments are closed.