ನವದೆಹಲಿ: ದೆಹಲಿ ವಿಶ್ವವಿದ್ಯಾಲಯದ ವಿದ್ಯಾರ್ಥಿನಿ ಎದುರು ವ್ಯಕ್ತಿಯೋರ್ವ ಹಸ್ತಮೈಥುನ ಮಾಡಿಕೊಂಡ ಪ್ರಕರಣ ಇತ್ತೀಚೆಗೆ ವರದಿಯಾಗಿತ್ತು. ಈಗ ದೆಹಲಿ ಸಾರಿಗೆ ಬಸ್ನಲ್ಲಿ ಸಂಚರಿಸುತ್ತಿದ್ದ ಯುವತಿಗೂ ಕೂಡ ಇಂಥದ್ದೇ ಕಹಿ ಅನುಭವವಾಗಿದೆ.
22 ವರ್ಷದ ಯುವತಿಯೊಬ್ಬಳು ದೆಹಲಿಯ ಕಪಾಶೇರಾದಲ್ಲಿ ನಗರ ಸಾರಿಗೆ ಬಸ್ನಲ್ಲಿ ಸಂಚಾರ ಮಾಡುತ್ತಿದ್ದಳು. ಅವಳ ಪಕ್ಕದಲ್ಲಿ 45 ವರ್ಷದ ಕಿಶನ್ ದತ್ ಪಾಂಡೆ ಎಂಬಾತ ಕುಳಿತಿದ್ದ. ಬಸ್ ಸಂಚಾರ ಆರಂಭಿಸಿದ ಕೆಲವೇ ನಿಮಿಷಗಳಲ್ಲಿ ಆತ ತನ್ನ ಪ್ಯಾಂಟ್ನ ಜಿಪ್ ತೆಗೆದ. ಈ ವೇಳೆ ಯುವತಿಗೆ ಭಯ ಉಂಟಾಗಿತ್ತು.
ನಂತರ ಗುಪ್ತಾಂಗವನ್ನು ಹೊರತೆಗೆದ ಕಿಶನ್ ಹಸ್ತಮೈಥುನ ಮಾಡಿಕೊಳ್ಳಲು ಆರಂಭಿಸಿದ್ದ. ಈ ವೇಳೆ ಆಕೆ ಕಿರುಚಾಡಲು ಆರಂಭಿಸಿದ್ದಳು. ಅಲ್ಲದೆ, ಪ್ರಯಾಣಿಕರ ಬಳಿ ಆತನಿಂದ ರಕ್ಷಿಸುವಂತೆ ಕೋರಿಕೊಂಡಿದ್ದಾಳೆ. ತಕ್ಷಣಕ್ಕೆ ಸಹ ಪ್ರಯಾಣಿಕರು ಪೊಲೀಸರಿಗೆ ದೂರವಾಣಿ ಕರೆ ಮಾಡಿದ್ದಾರೆ.
ಪೊಲೀಸರಿಗೆ ದೂರವಾಣಿ ಕರೆ ಹೋದ ತಕ್ಷಣ ಎಚ್ಚೆತ್ತ ಕಿಶನ್, ಬಸ್ನಿಂದ ಜಿಗಿದು ಓಡಲು ಪ್ರಯತ್ನಿಸಿದ್ದ. ಆದರೆ ಬಸ್ನಲ್ಲಿ ಪ್ರಯಾಣಿಕರು ಹೆಚ್ಚಿದ್ದರಿಂದ ಆತನಿಗೆ ತಪ್ಪಿಸಿಕೊಳ್ಳಲು ಸಾಧ್ಯವಾಗಿರಲಿಲ್ಲ. ನಂತರ ಪೊಲೀಸರು ಆತನನ್ನು ವಶಕ್ಕೆ ಪಡೆದಿದ್ದಾರೆ.
ಕಳೆದ ನವೆಂಬರ್ ತಿಂಗಳಲ್ಲೂ ದೆಹಲಿಯಲ್ಲಿ ಇಂಥದ್ದೇ ಘಟನೆ ನಡೆದಿತ್ತು. ಸಾರಿಗೆ ಬಸ್ನಲ್ಲಿ ಸಂಚರಿಸುತ್ತಿದ್ದ ದೆಹಲಿ ವಿಶ್ವವಿದ್ಯಾಲಯದ ವಿದ್ಯಾರ್ಥಿನಿ ಎದುರು ಬಂದಿದ್ದ ಯುವಕನೋರ್ವ ಹಸ್ತ ಮೈಥುನ ಮಾಡಿಕೊಂಡಿದ್ದ. ನಂತರ ಆತನನ್ನು ಬಂಧಿಸಲಾಗಿತ್ತು.
Comments are closed.