ಪುಣೆ: ಜಗತ್ತಿನಲ್ಲಿ ಎಂತಹ ಭೂಪರು ಇರುತ್ತಾರೆ ನೋಡಿ. ಪುಣೆಯ ಯುವ ಉದ್ಯಮಿಯೊಬ್ಬರು ಮುನಿಸಿಕೊಂಡ ಪ್ರಿಯತಮೆಯನ್ನು ಒಲಿಸಿಕೊಳ್ಳಲು 300ಕ್ಕೂ ಅಧಿಕ ಬ್ಯಾನರ್‌ಗಳನ್ನು ಹಾಕಿ ಈಗ ಸಂಕಷ್ಟಕ್ಕೆ ಸಿಲುಕಿದ್ದಾರೆ.
ಪಿಂಪ್ರಿ-ಚಿಂಚವಾಡ ಪ್ರದೇಶದಲ್ಲಿ 25ರ ಪ್ರಾಯದ ನಿಲೇಶ್‌ ಖೇಡ್ಕರ್‌ ಅವರು 300 ಬ್ಯಾನರ್‌ಗಳನ್ನು ಹಾಕಿಸಿದ್ದರು. ಮುನಿಸಿಕೊಂಡ ಪ್ರಿಯತಮೆಯ ಹೆಸರು, ಕೆಂಪು ಬಣ್ಣದ ಪ್ರೇಮದ ಸಂಕೇತದ ಹೃದಯದ ಚಿತ್ರದೊಳಗೆ ‘ಆಯ್‌ ಆ್ಯಮ್‌ ಸಾರಿ’ ಎಂಬ ಬರವಣಿಗೆ ಇತ್ತು.
ವಾಸ್ತವಿಕವಾಗಿ ಈ ಪ್ರದೇಶದಲ್ಲಿ ಅನುಮತಿ ಇಲ್ಲದೇ ಫ್ಲೆಕ್ಸ್‌, ಬ್ಯಾನರ್‌ ಅಳವಡಿಸುವಂತಿಲ್ಲ. ಸ್ಥಳೀಯ ಆಡಳಿತ ನೀಡಿದ ದೂರು ಆಧರಿಸಿ ವಕಾಡ್‌ ಠಾಣೆ ಪೊಲೀಸರು ಕ್ರಮ ಜರುಗಿಸಲು ಮುಂದಾಗಿದ್ದಾರೆ. ಬ್ಯಾನರ್‌ ಹಾಕಲು ನೆರವು ನೀಡಿದ್ದ ಸ್ನೇಹಿತ ವಿಲಾಸ್‌ ಶಿಂಧೆ ಎಂಬುವರನ್ನು ವಶಕ್ಕೆ ಪಡೆದು, ನಿಲೇಶ್‌ ಪತ್ತೆಗಾಗಿ ಪ್ರಯತ್ನ ನಡೆಸಿದ್ದಾರೆ.
Comments are closed.