ರೋಹ್ಟಕ್‌: ಚಂಡೀಗಢದ ಸುನಾರಿಯಾ ಜೈಲಿನತ್ತ ಮುಖಮಾಡಿ ನಮಸ್ಕರಿಸುತ್ತಿದ್ದ ಎಂಟು ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಅಷ್ಟಕ್ಕೂ ಅವರು ಮಾಡಿದ ಅಪರಾಧವೆಂದರೆ, ಜೈಲಿನೊಳಗಿಳಿರುವ ಸ್ವಘೋಷಿತ ದೇವಮಾನವ ಡೇರಾ ಸಚ್ಚಾ ಸೌಧ ಮುಖ್ಯಸ್ಥ ಗುರುಮೀತ್ ರಾಮ್ ರಹೀಮ್‌ಗೆ ನಮಸ್ಕರಿಸುತ್ತಿದ್ದುದು.
ರೋಹ್ಟಕ್‌ನಲ್ಲಿನ ಸುನಾರಿಯಾ ಜೈಲಿನಲ್ಲಿ ಸಾಧ್ವಿ ಅತ್ಯಾಚಾರ ಪ್ರಕರಣದಲ್ಲಿ ಬಂಧನಕ್ಕೊಳಗಾಗಿ ಶಿಕ್ಷೆ ಅನುಭವಿಸುತ್ತಿರುವ ಗುರುಮೀತ್ ರಾಮ್ ರಹೀಮ್‌ನನ್ನು ಇರಿಸಲಾಗಿದೆ. ಆತನ ಬೆಂಬಲಿಗರು, ಭಕ್ತರು ಆಗಾಗ ಜೈಲಿನತ್ತ ಬರುತ್ತಿರುತ್ತಾರೆ. ಅದರಂತೆ ಆತನ ಹಿಂಬಾಲಕರಾದ ಎಂಟು ಮಂದಿ ಜೈಲು ಇರುವ ಸಮೀಪದ ರಸ್ತೆಯಲ್ಲಿ ಸಾಗುವಾಗ, ಕಾರು ನಿಲ್ಲಿಸಿ ಜೈಲಿನತ್ತ ಭಕ್ತಿಯಿಂದ ನಮಸ್ಕರಿಸಿದ್ದಾರೆ. ಜೈಲಿನತ್ತ ನಮಸ್ಕರಿಸುತ್ತಿರುವ ಚಿತ್ರಗಳು ಆನ್‌ಲೈನ್‌ನಲ್ಲಿ ವೈರಲ್ ಆಗಿವೆ.
ಇದನ್ನು ಕಂಡ ಪೊಲೀಸರು 8 ಮಂದಿಯನ್ನು ಬಂಧಿಸಿ, ಕಾರನ್ನು ಜಪ್ತಿ ಮಾಡಿದ್ದಾರೆ. 2017ರ ಆಗಸ್ಟ್ 25ರಿಂದ ರಾಮ್ ರಹೀಮ್‌ನನ್ನು ಸುನಾರಿಯಾ ಜೈಲಿನಲ್ಲಿ ಇರಿಸಲಾಗಿದೆ. ಆತನಿಗೆ ಪ್ರತ್ಯೇಕ ಸೆಲ್ ವ್ಯವಸ್ಥೆ ಮಾಡಿದ್ದು, ಇತರ ಕೈದಿಗಳೊಂದಿಗೆ ಬೆರೆಯುತ್ತಿಲ್ಲ. ಜನರು ಆತನನ್ನು ಮಂಗಳವಾರ ಮತ್ತು ಗುರುವಾರ ಭೇಟಿಯಾಗಲು ಅವಕಾಶ ಕಲ್ಪಿಸಲಾಗಿದೆ.
Comments are closed.