ಗಂಡು ಮಗುವಿಗಾಗಿ ಮೊದಲ ಪತ್ನಿ ಸಮ್ಮುಖದಲ್ಲಿ 83ರ ಹರೆಯದ ತಾತ ಮರು ವಿವಾಹ!

ಜೈಪುರ: ಸಮಾಜದಲ್ಲಿ ಕೆಟ್ಟ ಪದ್ಧತಿಗಳು ಈಗಲೂ ಚಾಲ್ತಿಯಲ್ಲಿದೆ ಎಂಬುದಕ್ಕೆ ಇದೊಂದು ತಾಜಾ ಉದಾಹರಣೆಯಾಗಿದೆ.

ಗಂಡು ಮಗು ಪಡೆಯುದಕೋಸ್ಕರ 83ರ ಹರೆಯದ ತಾತ ತನ್ನ ಮೊದಲ ಪತ್ನಿ ಸನ್ಮುಖದಲ್ಲಿಯೇ ಮರು ವಿವಾಹವಾಗಿರುವ ಘಟನೆ ವರದಿಯಾಗಿದೆ.

ರಾಜಸ್ಥಾನದ ಕೌರಲಿ ಜಿಲ್ಲೆಯ ಸಮ್ರೈದ ಗ್ರಾಮದಲ್ಲಿ ಸುಖ್ರಾಮ್ ಎಂಬವರು 60 ವರ್ಷಗಳ ಬಳಿಕ ಎರಡನೇ ವಿವಾಹಿತವಾಗಿದ್ದಾರೆ. ಭಾನುವಾರದಂದು ಮತ್ತೆ ಕುದುರೆ ಮೇಲೆರಿರುವ ತಾತ 30ರ ಹರೆಯದ ರಮೇಶಿ ದೇವಿ ಎಂಬವರನ್ನು ವರಿಸಿದ್ದಾರೆ.

‘ನನ್ನ ಓಬ್ಬನೇ ಮಗ 15 ವರ್ಷಗಳ ಹಿಂದೆ 30ರ ಹರೆಯದಲ್ಲಿ ಮೃತಪಟ್ಟಿದ್ದಾರೆ. ಹರಿಯಾಣ ಹಾಗೂ ರಾಜಸ್ಥಾನದಲ್ಲಿ ಕಾರ್ಮಿಕ ಹಾಗೂ ಗುತ್ತಿಗೆದಾರನಾಗಿ ಕೆಲಸ ಮಾಡಿರುವ ನನ್ನಲ್ಲಿ ಸಾಕಷ್ಟು ಆಸ್ತಿಯಿದೆ. ಆದರೆ ಅದನ್ನು ನೋಡಿಕೊಳ್ಳಲು ಯಾರೂ ಇಲ್ಲ. ಹಾಗಾಗಿ ಮರು ವಿವಾಹವಾಗಿದ್ದೇನೆ’ ಎಂದಿದ್ದಾರೆ.

ಅಕ್ಕಪಕ್ಕದ 12 ಹಳ್ಳಿಗಳ ನಿವಾಸಿಗಳನ್ನು ಮದುವೆಗೆ ಆಹ್ವಾನಿಸಲಾಗಿತ್ತು. ಕುದುರೆ ಮೇಲೆರಿ ಸುಖ್ರಾಮ್ ಮದುವೆ ನೋಡಿದ ಎಲ್ಲರಲ್ಲೂ ಜಿಜ್ಞಾಸೆ ಮೂಡಿತ್ತು.

ಈ ಮದುವೆಯಿಂದ ನನ್ನ ಮೊದಲ ಹೆಂಡ್ತಿಗೆ ಯಾವುದೇ ಸಮಸ್ಯೆಯಿಲ್ಲ. ಇದು ದೇವರ ಬಯಕೆ. ಗಂಡು ಮಗನನ್ನು ಪಡೆಯಲು ಮಾತ್ರ ನಾವು ಬಯಸುತ್ತೇವೆ ಎಂದಿದ್ದಾರೆ.

ಮದುಮಗಳು ರಮೇಶಿ ಹಾಗೂ ಆಕೆಯ ಕುಟುಂಬ ಸಹ ಮದುವೆಗೆ ಒಪ್ಪಿಕೊಂಡಿದೆ. ಸದ್ಯಕ್ಕಂತೂ ಪೊಲೀಸರಿಗೂ ಯಾವುದೇ ದೂರು ಲಭಿಸಿಲ್ಲ.