ಪೊಲೀಸ್‌ ಇಲಾಖೆಯಲ್ಲಿ 4.43 ಲಕ್ಷ ಹುದ್ದೆಗಳು ಖಾಲಿ

ಹೊಸದಿಲ್ಲಿ: ದೇಶದ ಪೊಲೀಸ್‌ ಪಡೆಗಳಲ್ಲಿ 4.43 ಲಕ್ಷ ಹುದ್ದೆಗಳು ಖಾಲಿ ಇವೆ ಎಂದು ಕೇಂದ್ರ ಗೃಹ ಖಾತೆ ಸಹಾಯಕ ಸಚಿವ ಹನ್ಸ್‌ರಾಜ್‌ ಅಹಿರ್‌ ಹೇಳಿದ್ದಾರೆ.

ರಾಜ್ಯಸಭೆಯಲ್ಲಿ ಈ ಬಗ್ಗೆ ವಿವರ ನೀಡಿದ ಅವರು, ”ಬ್ಯೂರೋ ಆಫ್‌ ಪೊಲೀಸ್‌ ರೀಸರ್ಚ್‌ ಆ್ಯಂಡ್‌ ಡೆವಲಪ್‌ಮೆಂಟ್‌ ಅಂಕಿಅಂಶಗಳ ಪ್ರಕಾರ 2017ರ ಜನವರಿ ಹೊತ್ತಿಗೆ 4,43,524 ಪೊಲೀಸ್‌ ಹುದ್ದೆಗಳು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಖಾಲಿ ಇವೆ. 19,89,295 ಪೊಲೀಸ್‌ ಹುದ್ದೆಗಳಿಗೆ ಅನುಮೋದನೆ ಇದ್ದು, ಲಕ್ಷಾಂತರ ಹುದ್ದೆಗಳು ಖಾಲಿ ಉಳಿದಿವೆ,” ಎಂದು ಸಚಿವರು ಹೇಳಿದರು.

”ನೇಮಕವು ನಿರಂತರ ಪ್ರಕ್ರಿಯೆ. ನಿವೃತ್ತಿ, ರಾಜೀನಾಮೆ, ಸಾವು, ಹುದ್ದೆಗಳಿಂದ ವಜಾ ಸೇರಿದಂತೆ ನಾನಾ ಕಾರಣಗಳಿಂದ ಹುದ್ದೆಗಳು ಖಾಲಿಯಾಗಿವೆ,” ಎಂದು ಪ್ರಶ್ನೆಯೊಂದಕ್ಕೆ ಸಚಿವರು ಉತ್ತರ ನೀಡಿದರು.