ಇಂದೋರ್‌: ನಾಲ್ಕು ವರ್ಷದ ಮಗುವಿನ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದ ಮೂವರು ಶಿಕ್ಷಕಿಯರನ್ನು ಪೊಲೀಸರು ಬಂಧಿಸಿದ್ದಾರೆ.
ಕಳೆದ ಕೆಲವು ದಿನಗಳಿಂದ ಮಗಳು ಸಪ್ಪೆಯಾಗಿರುವುದನ್ನು ಗಮನಿಸಿದ್ದ ತಾಯಿ ಬಾಲಕಿಯನ್ನು ಪ್ರಶ್ನಿಸಿದ್ದಾರೆ, ಈ ವೇಳೆ ಮಗು ತನ್ನ ಬಳಿ ಶಿಕ್ಷಕಿಯರು ಯಾವ ರೀತಿ ನಡೆದುಕೊಳ್ಳುತ್ತಿದ್ದಾರೆ ಎಂಬುದನ್ನು ತಾಯಿಗೆ ವಿವರಿಸಿದ್ದಾಳೆ. ಮಗುವಿನ ಕಥೆಗೆ ಬೆರಗಾದ ತಾಯಿ ಹಾಗೂ ಕುಟುಂಬದವರು ಕೂಡಲೇ ಶಾಲೆಯ ಆವರಣಕ್ಕೆ ಬಂದು ಗಲಾಟೆ ಆರಂಭಿಸಿದ್ದಾರೆ.
ಮಲ್ಹಾರ್‌ಗಂಜ್‌ ಪೊಲೀಸರಿಗೆ ತಾಯಿ ನೀಡಿದ ವರದಿಗಳ ಪ್ರಕಾರ, ಮಗು ಕಳೆದ ಹಲವು ದಿನಗಳಿಂದ ಬೇಸರದಿಂದಲೇ ಇರುತ್ತಿತ್ತು, ಅಲ್ಲದೇ ತನ್ನ ಗುಪ್ತಾಂಗದಲ್ಲಿ ನೋವು ಹೆಚ್ಚಾಗಿರುವುದನ್ನು ಪದೇ ಪದೇ ಹೇಳುತ್ತಿದ್ದಳು. ಮಗಳ ಮಾತನ್ನು ಕೇಳಿದ ಕೂಡಲೇ ತನ್ನ ಸೋದರನ ಮನೆಗೆ ತೆರಳಿ ಮಗಳಿಗಾದ ಘಟನೆಯನ್ನು ವಿವರಿಸಿದ್ದಾರೆ.
‘ನನ್ನ ತಂಗಿ ಮಗಳೊಂದಿಗೆ ಮಾತನಾಡಿದ ವೇಳೆ ಹೆಣ್ಣುಮಗು ಒಂದೇ ಸಮನೆ ಅಳತೊಡಗಿತು, ಬಳಿಕ ಅಲ್ಲಿನ ಶಿಕ್ಷಕಿಯರು ಹೆಣ್ಣುಮಗಳ ಗುಪ್ತಾಂಗಕ್ಕೆ ಕೈಬೆರಳು ಹಾಕುತ್ತಿದ್ದರಂತೆ, ಕೆಲವೊಮ್ಮೆ ಈ ರೀತಿ ಮಾಡುತ್ತಿದ್ದಾಗ ಮಗುವಿಗೆ ಹಲ್ಲೆ ಕೂಡಾ ಮಾಡುತ್ತಿದ್ದರಂತೆ. ಹಲವು ಸಂದರ್ಭದಲ್ಲಿ ಮಗುವಿನೊಂದಿಗಿನ ವಿಕೃತಿಗಳನ್ನು ವೀಡಿಯೋ ಕೂಡಾ ಮಾಡಿದ್ದರು ಎಂದು ಮಗು ನಮ್ಮ ಬಳಿ ಹೇಳಿಕೊಂಡಿದ್ದಾಳೆ’ ಎಂದು ಮಗುವಿನ ಮಾವ ಹೇಳಿದ್ದಾರೆ.
ಸದ್ಯ ಮಲ್ಹಾರ್‌ ಗಂಜ್‌ ಪೊಲೀಸರು ಪ್ರಕರಣ ದಾಖಲಿಸಿದ್ದು, ಶನಿವಾರ ಮುಂಜಾನೆ ಮಗುವಿನ ಹೇಳಿಕೆಯನ್ನು ದಾಖಲಿಸಿಕೊಂಡಿದ್ದಾರೆ, ‘ ಮಗು ತೋರಿಸಿದ ಮೂವರು ಶಿಕ್ಷಕಿಯರ ಮೇಲೆ ನಾವು ಈಗಾಗಲೇ ಕ್ರಮ ತೆಗೆದುಕೊಂಡಿದ್ದು, ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲಿಸಿದ್ದೇವೆ. ತನಿಖೆ ಪ್ರಗತಿಯಲ್ಲಿದೆ ಎಂದು ಡಿಐಜಿ ಹರಿನಾರಾಯಣಾಚಾರ್ಯ ಮಿಶ್ರಾ ಹೇಳಿದ್ದಾರೆ.
Comments are closed.