ಮನೋರಂಜನೆ

ಐಶ್ವರ್ಯಾ ರೈ ಬಳಿಕ ಇನ್ನೊಬ್ಬ ನಟಿಗೆ ಕೇರಳದಲ್ಲಿ ಸೌಂದರ್ಯ ಚಿಕಿತ್ಸೆ

Pinterest LinkedIn Tumblr


ಬಾಲಿವುಡ್‌ನ ‘ಫ್ಯಾನ್ನಿ ಖಾನ್’ ಚಿತ್ರಕ್ಕಾಗಿ ದೇಹದ ತೂಕ ಇಳಿಸಿಕೊಳ್ಳಲು ಹಾಗೂ ಒಂದಷ್ಟು ಸೌಂದರ್ಯ ವರ್ಧನೆಗೆ ಕೇರಳದಲ್ಲಿ ಆಯುರ್ವೇದ ಚಿಕಿತ್ಸೆಗೆ ಮೊರೆ ಹೋಗಿದ್ದರು ನಟಿ ಐಶ್ವರ್ಯಾ ರೈ. ವಿದೇಶಗಳಲ್ಲಿ ನೀಡುವ ದುಬಾರಿ ಚಿಕಿತ್ಸೆಗೆ ಹೋಲಿಸಿದರೆ ಇದು ತುಂಬಾ ಪರಿಣಾಮಕಾರಿ ಎಂಬುದೇ ಇದಕ್ಕೆ ಕಾರಣ. ಹಾಗಾಗಿ ಬಹಳಷ್ಟು ತಾರೆಗಳು ಆಗಾಗ ಕೇರಳದ ರೆಸಾರ್ಟ್‌ನಲ್ಲಿ ಕಾಣಿಸುತ್ತಿರುತ್ತಾರೆ.

ಇದೀಗ ಹಾಲಿವುಡ್ ತಾರೆ ಹೇಲ್ ಬೆರ್ರಿ ಸಹ ಐಶ್ವರ್ಯಾ ರೈ ಹಾದಿಯಲ್ಲಿ ಹೆಜ್ಜೆ ಹಾಕಿದ್ದಾರೆ. ಇತ್ತೀಚೆಗಷ್ಟೇ ಮುಂಬೈಗೆ ಬಂದಿಳಿದ ಈ ‘ಬಾಂಡ್’ ಗರ್ಲ್ ಬಳಿಕ ಅಜ್ಞಾತ ಸ್ಥಳಕ್ಕೆ ಹೊರಟು ಹೋಗಿದ್ದರು. ಕಡೆಗವರು ಕೇರಳದ ರೆಸಾರ್ಟ್ ಒಂದರಲ್ಲಿ ಪ್ರತ್ಯಕ್ಷರಾಗಿದ್ದರು. ಸೌಂದರ್ಯವರ್ಧಕ ಚಿಕಿತ್ಸೆ ಹಾಗೂ ಒಂದಷ್ಟು ವೈನ್ ಸವಿಯುತ್ತಾ ರಿಲ್ಯಾಕ್ಸ್ ಆಗುತ್ತಿದ್ದಾರೆ ಹೇಲ್ ಬೆರ್ರಿ.

ಕೇರಳದ ಮರಾರಿಕುಲಂ, ಆಳಪ್ಪುಳ ಬಳಿಯ ಕಾರ್ನೌಷ್ಟಿ ಆಯುರ್ವೇದ ಮತ್ತು ವೆಲ್‌ನೆಸ್ ರೆಸಾರ್ಟ್‌ನಲ್ಲಿ ಉಳಿದುಕೊಂಡು ಚಿಕಿತ್ಸೆ ಪಡೆದಿದ್ದಾರೆ. ನವೆಂಬರ್ 10ರಂದು ಆಗಮಿಸಿದ ಅವರು ನ.12ರ ಬೆಳಗ್ಗೆ ಅವರು ಅಲ್ಲಿಂದ ನಿರ್ಗಮಿಸಿದ್ದಾರೆ. ಅವರ ಜತೆಗೆ ಕಂಪನಿ ಕೊಡಲು ಒಂದಷ್ಟು ಫ್ರೆಂಡ್ಸ್ ಸಹ ಇದ್ದರು.

‘ಮುಂಬೈ ಮಿರರ್‌’ಗೆ ಸಿಕ್ಕಿರುವ ಮಾಹಿತಿ ಪ್ರಕಾರ, ಕಾರ್ನೌಷ್ಟಿ ಆಯುರ್ವೇದ ರೆಸಾರ್ಟ್‌ನಲ್ಲಿ ಹೇಲ್ ಬೆರ್ರಿ ಚಿಕಿತ್ಸೆ ಪಡೆದಿದ್ದು, ಆ ಬಳಿಕ ಅವರು ಬೀಚ್‌ನಲ್ಲಿ ಅಡ್ಡಾಡಿದ್ದಾರೆ. ಆಮೇಲೆ ಚೆರ್ತಲದ ಕಾನೀಚುಕುಲಂಗರ ದೇವಾಲಯಕ್ಕೂ ಭೇಟಿ ನೀಡಿದ್ದರು. ಕೇರಳದಲ್ಲಿ ಇದ್ದಷ್ಟು ಸಮಯ ಅವರು ಎಂಜಾಯ್ ಮಾಡಿದ್ದಾಗಿ ತಿಳಿಸಿದ್ದಾರೆ.

Comments are closed.