ಮುಂಬೈ: ಕಂತಿನಲ್ಲಿ 6000 ಕೋಟಿ ರೂ.ಗಳನ್ನು ನೀಡುವುದಾಗಿ ಸುಸ್ತಿದಾರ ವಿಜಯ್ ಮಲ್ಯ ಹೇಳಿದ್ದರೂ, ಸಾಲ ನೀಡಿರುವ ಬ್ಯಾಂಕ್ ಇದನ್ನು ತಿರಸ್ಕರಿಸಲು ಮುಂದಾಗಿದೆ. 9000 ಸಾವಿರ ಕೋಟಿ ರೂ.ನಷ್ಟು ಬಾಕಿ ಉಳಿಸಿಕೊಂಡ ಅವರಿಗೆ ಈ ವಿನಾಯಿತಿ ನೀಡಲು ಸಾಧ್ಯವಿಲ್ಲ ಎನ್ನುವ ನಿರ್ಧಾರಕ್ಕೆ ಬರಲಾಗಿದೆ ಎಂದು ಇಬ್ಬರು ಬ್ಯಾಂಕರ್ಗಳು ದೃಢಪಡಿಸಿದ್ದಾರೆ.
ಆದರೆ ತನ್ನ ಈ ನಿರ್ಧಾರವನ್ನು ಈ ವರೆಗೂ ವಿಜಯ್ ಮಲ್ಯ ಅವರಿಗೆ ತಿಳಿಸಿಲ್ಲ. ಏಪ್ರಿಲ್ 7, ಗುರುವಾರ ಸುಪ್ರೀಂ ಕೋರ್ಟ್ನಲ್ಲಿ ಪ್ರಕರಣದ ವಿಚಾರಣೆ ಇರುವ ಕಾರಣ ಅಂದು ತಮ್ಮ ನಿರ್ಧಾರವನ್ನು ಮಲ್ಯ ಅವರ ಗಮನಕ್ಕೆ ತರುವ ಉದ್ದೇಶ ಬ್ಯಾಂಕ್ಗಳದ್ದಾಗಿದೆ.
ಅಷ್ಟೇ ಅಲ್ಲ ಮಲ್ಯ ನೀಡುವುದಾಗಿ ಹೇಳಿರುವ 4000 ಕೋಟಿ ರೂ. ಸಾಲದ ಮೇಲಿನ ಬಡ್ಡಿಗೂ ಸಾಲದು ಎಂದು ಬ್ಯಾಂಕ್ಗಳು ಹೇಳಿಕೊಳ್ಳುತ್ತಿವೆ. ಸಪ್ಟೆಂಬರ್ ಮೊದಲ ವಾರದಲ್ಲಿ ನೀಡುವುದಾಗಿ ಹೇಳಿರುವ ಹಣವನ್ನು ದುಪ್ಪಟ್ಟುಗೊಳಿಸಿ ನೀಡುವುದಾದಲ್ಲಿ ಅಭ್ಯಂತರವಿಲ್ಲ ಎನ್ನುವ ನಿರ್ಧಾರಕ್ಕೆ ಬ್ಯಾಂಕ್ಗಳು ಬಂದಿವೆ ಎಂದು ಹೇಳಲಾಗುತ್ತಿದೆ.
ಒಟ್ಟಾರೆ ಮಲ್ಯ ಯೋಜನೆ ಏರುಪೇರಾಗುವ ಎಲ್ಲಾ ಸಾಧ್ಯತೆಗಳಿದ್ದು, ಸುಪ್ರೀಂ ಕೋರ್ಟ್ ವಿಚಾರಣೆಯ ವೇಳೆ ಏನೆಲ್ಲಾ ಆಗಲಿವೆ ಎನ್ನುವ ಕುತೂಹಲ ಈಗ ಇನ್ನಷ್ಟು ಹೆಚ್ಚಿದೆ.
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶನಿವಾರ ಬ್ಯಾಂಕ್ಗಳು ಸಭೆ ಸೇರಿದ್ದವು.
