ನವದೆಹಲಿ: 2016 ಐಸಿಸಿ ಟ್ವೆಂಟಿ 20 ವಿಶ್ವಕಪ್ ಕ್ರಿಕೆಟ್ ಸಮರದ ಬಿಸಿಯೇರಿರುವ ಹೊತ್ತಿನಲ್ಲೇ, ಈ ಬಾರಿಯ ವಿಶ್ವಕಪ್ ಪಾಕಿಸ್ತಾನದ ಪಾಲಾಗಲಿದೆ ಎಂದು ಭಾರತದ ಜ್ಯೋತಿಷಿಯೊಬ್ಬರು ಭವಿಷ್ಯ ನುಡಿದಿದ್ದಾರೆ.
ಡಾನ್ (Dawn) ಪತ್ರಿಕೆಯಲ್ಲಿ ಪ್ರಕಟವಾದ ವರದಿಯೊಂದ ಪ್ರಕಾರ ಭಾರತೀಯ ಜ್ಯೋತಿಷಿ ಗ್ರೀನ್ ಸ್ಟೋನ್ ಲೋಬೋ ಎಂಬವರು ಈ ರೀತಿಯ ಭವಿಷ್ಯ ನುಡಿದಿದ್ದಾರೆ. ಒಂದು ವೇಳೆ ಪಾಕಿಸ್ತಾನ ಫೈನಲ್ಗೆ ತಲುಪಿದರೆ, ಪಾಕಿಸ್ತಾನವೇ ಈ ಬಾರಿ ವಿಶ್ವಕಪ್ ಗೆಲ್ಲಲಿದೆ.
ಅದೇ ವೇಳೆ ಫೈನಲ್ ನಲ್ಲಿ ಭಾರತ ಮತ್ತು ಪಾಕಿಸ್ತಾನದ ನಡುವೆ ಪಂದ್ಯವೇರ್ಪಟ್ಟರೆ ಅಲ್ಲಿ ಧೋನಿ ಪಡೆಯನ್ನು ಶಾಹಿದ್ ಅಫ್ರೀದಿ ತಂಡ ಪರಾಭವಗೊಳಿಸಲಿದೆ ಎಂದು ಲೋಬೋ ಹೇಳಿದ್ದಾರೆ.
ಆದಾಗ್ಯೂ, ವೈಜ್ಞಾನಿಕ ಅಧ್ಯಯನ ಮಾಡಿದ ನಂತರವೇ ತಾನು ಈ ಭವಿಷ್ಯ ನುಡಿದಿದ್ದು, ಮಾರ್ಚ್ 19ರಂದು ಈಡನ್ ಗಾರ್ಡನ್ನಲ್ಲಿ ನಡೆಯುವ ಭಾರತ -ಪಾಕ್ ನಡುವಿನ ಪಂದ್ಯದಲ್ಲಿ ಭಾರತವೇ ಗೆಲ್ಲಲಿದೆ ಎಂದು ಲೋಬೋ ಹೇಳಿದ್ದಾರೆ.